"Барселона" клуби янги футболчиси Рафинья билан шартнома имзолангани муносабати билан матбуот анжумани ўтказди.

“Мен “Барса”ни Роналдиньо клубга қўшилганидан сўнг кузатиб бошладим. У бу ерда эришган ҳамма нарса менинг трансферимга катта таъсир кўрсатди. Мен буни доим орзу қилганман”, - деди Рафинья матбуот анжуманида.

Олдинроқ “Барселона” футболчи учун 58 миллион евро тўлаши, бонуслар ҳисобга олинса, бу сумма 67 миллион еврога кўтарилиши мумкинлиги ҳақида хабар берилганди. Футболчининг шахсий шартномаси 2027 йилгача мўлжалланган.

2021/22 йилги мавсумда Рафинья “Лидс” сафида 36 та ўйинда майдонга тушиб, 11 та гол урди ва 3 та голли узатмани амалга оширди. Transfermarkt.com портали ҳужумчини 45 миллион еврога баҳоламоқда.