"Интер"нинг камерунлик дарвозабони Андре Онана Самуэль Это'о билан "Интер"га ўтиш мақсадга мувофиқлиги ҳақида маслаҳатлашганини аниқ айтди. Это'о "Интер" клубида ўйнаган ва ҳаттоки у билан Чемпионлар лигасида ғолиб чиққан.
- Бу ҳақда гаплашдик, Это'о менга айнан шу жамоа кераклигини айтди. У ўша ерда ўйнаганида мен жамоага эргашганман", - деди Онана La Gazzetta Dello Sport билан суҳбатда.
Ўтган мавсумда "Интер" Италия чемпионатини иккинчи ўринда якунлади. Жамоа янги мавсумни 13 август куни “Лечче”га қарши ўйин билан бошлайди.
