Ярим ҳимоячи Букайо Сака "Арсенал" билан шартномасини узайтириш борасида музокаралар олиб бормоқда, дея хабар беради журналист Николо Скира.
Манбага кўра, томонлар янги келишув шартлари бўйича келишувга эришишга яқин турибди. "Канонирлар" 20 ёшли инглиз футболчиси билан 2027 йилнинг июнь ойи охиригача янги шартнома имзоламоқчи.
Сака "Арсенал" тарбияланувчиси ҳисобланади. Футболчи ўтган мавсумда жамоаси сафида барча мусобақаларда 43 та ўйинда майдонга тушиб, 12 та гол урди ва 7 та голли узатмани амалга оширди.
Футболчининг амалдаги шартномаси 2024 йилнинг июнь ойи охиригача амал қилади.
