TMW хабарига кўра, "Интер" ҳужумчи Пауло Дибалани қўлга киритиш борасидаги саъй-ҳаракатларини давом эттирмоқда. Футболчига "Рома", "Наполи" ва "Милан" ҳам фаол қизиқиш билдирмоқда.
Манбанинг хабарига кўра, Милан клуби футболчи учун яхшиланган таклиф тайёрламоқда.
Дибала ўтган мавсумда "Ювентус" сафида 39 та ўйинда 15 та гол урди ва 6 та голга ассистентлик қилди. Ҳужумчи Турин клубини 2022 йилнинг 30 июнида эркин агент сифатида тарк этганди.