Италия терма жамоаси ярим ҳимоячиси Марко Верратти терма жамоа ЖЧ-2022дан қуруқ қолганидан сўнг ўз ҳис-туйғулари билан ўртоқлашди.
“Бу фалокат эди. Жуда кескин қарама-қаршилик: аввалига биз Европа чемпиони бўлдик, бир неча ой ўтгач эса шундай тарсаки олдик. Еврода ҳаракат қилгандек ўйнай олмадик. Бундай ўйинларда хатога йўл қўйсангиз, хатоларингиз учун ҳақ тўлайсиз", - дея Верратти сўзларидан иқтибос келтиради ItaSportPress.
24 март куни Италия терма жамоаси Македонияга имкониятни бой бериб, Қатарда бўлиб ўтадиган 2022 йилги жаҳон чемпионати йўлланмасидан қуруқ қолганди.
