"Челси" ҳужумчиси Тимо Вернер "Наполи"дан сотиб олинган ҳимоячи Калиду Кулибали ҳақида фикр билдирди. Эслатиб ўтамиз, сенегаллик футболчи "кўклар"га 38 миллион еврога тушган.
“Челси учун ажойиб шартнома. У жуда яхши ўйинчи, буни "Наполи"га қарши ўйнаганимда кўрганман. У бизга етишмаётган нарсани беради. Бизга ҳимоячилар керак, чунки бизнинг ҳимоядаги муҳим футболчиларимиз жамоани тарк этишд", - деди Вернер Sky Sports билан суҳбатда.
Олдинроқ Вернернинг ўзи ҳам "Челси"ни тарк этиши мумкинлиги ҳақида хабарлар тарқалган эди. Тахминларга кўра, германиялик футболчи кам ўйин амалиётига эга бўлаётганидан норози ва бошқа жамоага кетмоқчи эди.
