"ПСЖ" "Реймс" ҳужумчиси Уго Экитикени сотиб олишга яқин турибди. Бу ҳақда Sky Sports хабар бермоқда.
Манбанинг хабарига кўра, трансфер суммаси бонуслар билан бирга 35 миллион еврони ташкил қилади. 20 ёшли футболчи тиббий кўрикдан ўтиши ва парижликлар билан шахсий шартнома шартларини келишиб олиши қолади.
Олдинроқ "Ньюкасл" Экитикени сотиб олишга яқин тургани ҳақида хабарлар тарқалганди. "Ҳаккалар" унинг учун бонуслар билан бирга 30 миллион эвро тўлашга тайёр эди.
Уго Экитике ўтган мавсумда "Реймс" сафида 27 та ўйинда майдонга тушиб, 11 та гол урди ва 5 та голга ассистентлик қилди.