"Барселона" ярим ҳимоячиси Френки де Йонгнинг вакиллари "Челси" ва "ПСЖ"дан ўз мижозини сотиб олишини сўрамоқда, деб хабар беради ESPN.
"Юнайтед" аллақачон "Барселона" билан де Йонг учун товон пули борасида келишиб олган бўлса-да, Френкининг ўзи бу трансферга рози бўлишга шошилмаяпти.
Олдинроқ клублар ярим ҳимоячининг трансфери бўйича 85 миллион еврога келишиб олгани хабар қилинганди.
Де Йонг ўтган мавсумда каталонияликлар сафида барча турнирларда 45 ўйинда 4 та гол урди ва 5 та голли узатмани амалга оширди. Унинг клуб билан шартномаси 2026 йилнинг 30 июнига қадар мўлжалланган.