"Ювентус"нинг собиқ ҳужумчиси Пауло Дибала ёзда "Рома"га ўтиши мумкин, деб ёзади Romapress.
Манбага кўра, футболчи учун эндиликда "Рома" ва "Наполи" клублари кураш олиб боришмоқда. Аввалроқ “Интер” аргентиналик футболчини сотиб олишдан бош тортганди.
Қайд этилишича, "Наполи" тижорат муаммолари туфайли футболчининг трансфери бўйича ҳозирча расмий таклиф билан чиқа олмайди. Шундай экан, “Рома” Дибалага асосий даъвогар бўлиб қолмоқда. Римликлар футболчини ўз сафига қўшиб олиш борасида музокаралар олиб боришмоқда.
Дибала 1 июль куни эркин агентга айланди. Ўтган мавсумда ҳужумчи "Ювентус" сафида 39та ўйинда майдонга тушиб, 15та гол урди ва 6та голли узатмани амалга оширди.