"ПСЖ" ҳимоячиси Преснел Кимпембе "Челси"га ўтиши мумкин, дея хабар беради журналист Фабрицио Романо.
Манбанинг хабарига кўра, парижликлар ўз футболчисини 60-65 миллион еврога сотишни кўриб чиқишга тайёр. "Челси" 26 ёшли француз учун биринчи бўлиб 45-50 миллион евро таклиф қилмоқчи.
Кимпембенинг "ПСЖ" билан амалдаги шартномаси 2024 йилнинг ёзига қадар мўлжалланган. Transfermarkt портали Франция терма жамоаси футболчисини 40 миллион еврога баҳоламоқда.
Ўтган мавсумда ҳимоячи ҳозирги жамоаси таркибида 41 та ўйин ўтказиб, 2 та гол ва битта голли узатмага муаллифлик қилган.
