Лондоннинг “Арсенал” клуби жорий трансфер ойнасида ҳимоя чизиғини кучайтириш ниятида. Football Insider хабарига кўра, "канонирлар" Леверкузеннинг "Байер" клуби марказий ҳимоячиси Эдмонд Тапсобани жамоага олиб келмоқчи.
Манбанинг хабар беришича, британияликлар 23 ёшли африкалик футболчини сотиб олиш учун тахминан 50 миллион евро ажратишга тайёр. "Арсенал" Тапсобaни Туриннинг "Ювентус"ида кўришни истаган Габриэлга муқобил вариант сифатида кўриб чиқмоқда.
Германия чемпионатининг сўнгги мавсумида Эдмонд 22 ўйин ўтказиб, битта гол урди ва битта сариқ карточка олди.