Швейцария терма жамоаси ва Лиссабоннинг “Бенфика” клуби ҳужумчиси Харис Сеферович фаолиятини Туркия чемпионатида давом эттириши мумкин. 30 ёшли ҳужумчи тез орада Истанбулнинг “Галатасарой” клуби билан шартнома имзолайди. Бу ҳақда инсайдер Фабрицио Романо ижтимоий тармоқларда маълум қилди.

Журналистнинг сўзларига кўра, турклар Сеферовичнинг ижарасини келаси мавсум охиригача ташкил қилмоқчи. Шартнома муддати тугагач, “Галатасарой” швейцарияликни 3,5 миллион еврога сотиб олиши мумкин бўлади.

Харис "Бенфика"га 2017 йилда Франкфуртнинг "Айнтрахт" клубидан келиб қўшилганди. Ўтган мавсумда ҳужумчи Примейранинг ўнта ўйинида қатнашиб, учта гол ва иккита голли узатмани амалга оширди.