Тожикистоннинг Душанбе шаҳрида Марказий Осиё мамлакатлари аёллар миллий жамоалари ўртасида мусобақа ўтказилмоқда. Унда 5 мамлакат — Ўзбекистон, Эрон, Қирғизистон, Тожикистон ва Туркманистон термалари иштирок этишмоқда.

Ўзбекистонлик аёллар бугун мусобақа доирасида учинчи учрашувни ўтказишди. Вакилларимиз Қирғҳизистонга қарши майдонга чиқиб, 7:0 ҳисобида ғалаба қозонишди. Мидори Хонда шогирдлари биринчи бўлимда 4та гол уришган бўлса, иккинчи бўлимда рақибни яна 3 марта жазолашди.

Эслатиб ўтамиз, терма жамоамиз аввалги баҳсларда Туркманстон ва Тожикистон устидан 6:0 ҳисобида зафар қучишганди. Шу тариқа, Ўзбекистон 9 очко билан яққол пешқадам бўлиб турибди (тўплар фарқи — 19:0). Эрон бугун Туркманистон устидан 4:0 ҳисобида ғалаба қозониб, ўз очколарини 9тага етказиб олди. Форслар тўплар фарқига кўра иккинчи ўринни эгаллаб туришибди.

20 июль куни Ўзбекистон ва Эрон терма жамоалари мусобақа ғолиблиги учун майдонга чиқишади.

CAFA Wpmen's championship-2022. 4-тур
Қирғизистон - Ўзбекистон - 0:7
Голлар: Нилуфар Қудратова (7ʼ, 41ʼ), Зиёда Ирисбоева (11ʼ), Мадина Ҳикматова (45+1ʼ), Дилнура Абибулла қизи (57-автогол), Диёра Ҳабибуллаева (79ʼ), Зарина Маматкаримова (82ʼ)