Tojikistonning Dushanbe shahrida Markaziy Osiyo mamlakatlari ayollar milliy jamoalari o‘rtasida musobaqa o‘tkazilmoqda. Unda 5 mamlakat — O‘zbekiston, Eron, Qirg‘iziston, Tojikiston va Turkmaniston termalari ishtirok etishmoqda.

O‘zbekistonlik ayollar bugun musobaqa doirasida uchinchi uchrashuvni o‘tkazishdi. Vakillarimiz Qirg‘hizistonga qarshi maydonga chiqib, 7:0 hisobida g‘alaba qozonishdi. Midori Xonda shogirdlari birinchi bo‘limda 4ta gol urishgan bo‘lsa, ikkinchi bo‘limda raqibni yana 3 marta jazolashdi.

Eslatib o‘tamiz, terma jamoamiz avvalgi bahslarda Turkmanston va Tojikiston ustidan 6:0 hisobida zafar quchishgandi. Shu tariqa, O‘zbekiston 9 ochko bilan yaqqol peshqadam bo‘lib turibdi (to‘plar farqi — 19:0). Eron bugun Turkmaniston ustidan 4:0 hisobida g‘alaba qozonib, o‘z ochkolarini 9taga yetkazib oldi. Forslar to‘plar farqiga ko‘ra ikkinchi o‘rinni egallab turishibdi.

20 iyul kuni O‘zbekiston va Eron terma jamoalari musobaqa g‘olibligi uchun maydonga chiqishadi.

CAFA Wpmen's championship-2022. 4-tur
Qirg‘iziston - O‘zbekiston - 0:7
Gollar: Nilufar Qudratova (7ʼ, 41ʼ), Ziyoda Irisboyeva (11ʼ), Madina Hikmatova (45+1ʼ), Dilnura Abibulla qizi (57-avtogol), Diyora Habibullayeva (79ʼ), Zarina Mamatkarimova (82ʼ)