Ҳужумчи Роберт Левандовски "Барселона"нинг АҚШдаги турнесига қўшилди.
Каталонияликлар матбуот хизмати Майамида 33 ёшли польшалик футболчи ва "Барса" машғулотларига қўшилгани тасвирланган видеони жойлаштирди.
“Барселона”га ўтганимдан жуда хурсандман. Олға, "Барса", - деди Левандовски видеода.
16 июль куни "Барселона" "Бавария" билан Левандовскини сотиб олиш бўйича келишувга эришганини эълон қилди. Ҳужумчи каталонияликлар билан шартномани яна бир йилга узайтириш имконияти билан 2025 йилга қадар имзолайди.
"Бавария"да 8 мавсум давомида Левандовски 375 ўйинда 344 гол урди ва 72 голга ассистентлик қилди.
