Ҳужумчи Гарет Бэйл "Лос-Анжелес"даги дебюти ҳақида ўз фикрлари билан ўртоқлашди. Жоржио Кьеллини билан биргаликда улар биринчи марта АҚШ клубида ўйнашди.
“Бу ажойиб эди. Биринчи бўлимданоқ кескинликни ҳис қилдим. Захира ўриндиғига ўтирганимда майдонга тушиб жамоага ёрдам беришни хоҳладим. Мен учун формага киришим ҳам муҳим эди”, - деди Бэйл клуб матбуот хизматига.
Аввалроқ, 32 ёшли уэльслик футболчи клуб билан 1+1 кўринишида шартнома имзолаган эди.
Бэйлнинг аввалги клуби "Реал" бўлиб, уни эркин агент сифатида тарк этган. 2021/22 йилги мавсумда уэльслик футболчи 7 учрашувда 1 та гол урган.
