"Барселона" шу ҳафтада "Челси" ҳимоячиси Сезар Аспиликуэта бўйича илк таклифини юбормоқчи. "Кўк-анорранглилар"да лондонликлар футболчининг кетишига халақит бермаслиги, испаниялик футболчига клуб олдидаги хизматлари учун ҳурмат бажо келтириши ҳақида маълумот бор.
Mundo Deportivo хабарига кўра, "Челси" минимал таклифни қабул қилишга тайёр. "Барса" Аспиликуэта билан шартнома имзолаб, бир ўқ билан икки қуённи овлашга умид қилмоқда. Биринчидан, ўнг қанотда тажрибали ҳимоячи билан шартнома имзолаш. Иккинчидан, Жорди Альбага яхши ўринбосар, чунки Сезар ҳимоянинг чап қанотида ҳам ўйнай олади.
Айни дамда "Барса" Альбани алмаштирмоқчи эмас, аммо улар ҳимоянинг чап қанотини янада кучайтиришни режалаштирмоқда. Шу мақсадда каталонияликлар Маркос Алонсони таркибга таклиф этиш ҳақида ўйламоқда. Маркоснинг трансфери кейинроқ кўриб чиқилиши режалаштирилган.
Сезар "Челси" таркибида 474та ўйин ўтказиб, 17та гол урган ва 55та голга ассистентлик қилган.