“Ювентус" "Торино" ҳимоячиси Глейсон Бремер учун 40 миллион евро тўлашга рози бўлди, дея хабар берди журналист-инсайдер Фабрицио Романо. Футболчига аввалроқ "Интер" жиддий қизиқиш билдираётган эди.
Бремернинг ўзи аллақачон "Юве" билан 2027 йилгача бўлган шахсий шартнома шартларини келишиб олган. Футболчининг маоши мавсумига 4 миллион еврони ташкил қилади.
Аввалроқ, 18 июль, душанба куни “Интер” раҳбарияти “Торино” вакиллари ва 25 ёшли бразилиялик футболчи билан учрашиб, Бремернинг трансфер шартномасини ёпиши ҳақида хабар берилганди.
2021/22 йилги мавсумда футболчи “Торино” сафида 33 та ўйинда майдонга тушиб, 3 та гол урди ва 1 та голли узатмани амалга оширди.