"Аталанта" "Рома" ҳужумчиси Стефан Эль-Шааравига қизиқиш билдирмоқда, дея хабар бермоқда журналист Николо Скира ўзининг Twitter саҳифасида.
Манбанинг хабарига кўра, Бергамо клуби ёзги трансфер ойнасида футболчини сотиб олиш вариантини кўриб чиқмоқда. Римликлар қизиқарли таклиф тушса, футболчини сотиши мумкин.
29 ёшли Эль-Шаарави ўтган мавсумда "Рома" сафида барча турнирларда 36 та ўйинда майдонга тушиб, 7 та гол урди ва битта голли узатмани амалга оширди. Унинг клуб билан шартномаси 2023 йилнинг ёзига қадар мўлжалланган.