Донецкнинг “Шахтёр” клуби бош директори лавозимида ишлаб келаётган Сергей Палкин ФИФАнинг хорижлик футболчиларга Украина клублари билан шартномаларини тўхтатиб қўйишга рухсат берувчи янги қоида туфайли клубнинг молиявий йўқотишлари ҳақида гапирди.
“Sport.ua” нашрига берган интервьюсида функционер янгилик туфайли “кончилар” бир неча ўйинчининг трансферидан 50 миллион еврога яқин маблағ йўқотганини айтди.
"Улар бизни товонсиз тарк этишди, улар янги жамоаларга янада қулайроқ шартларда ўтишлари мумкин эди", деди Палкин.
Эслатиб ўтамиз, ФИФА қарори туфайли бразилияликлар Тете ва Манор Саломоннинг трансферлари амалга ошмай қолганди.
