Роберт Левандовскининг "Барселона" футболчиси сифатида таништирув тақдимоти қолдирилди.
Marca нашри хабарига кўра, футболчи умумий гуруҳда ишламайди. Левандовски "Барселона"нинг АҚШ турнеси доирасида бўлиб ўтадиган "Интер Майами"га қарши ўйин олдидаги очиқ машғулотида қатнашмади.
"Барселона"даги манбаларга кўра, Левандовски спорт залида ишлаган.
Шу билан бирга, Роберт аллақачон тиббий кўрикдан ўтгани ва унинг "Бавария"дан трансфери тўлиқ якунлангани қайд этилган.
Шу тариқа Левандовскининг "Интер Майами" билан ўйиндаги иштироки сўроқ остида қолмоқда. Польшалик ҳужумчининг "Барселона" футболчиси сифатида тақдимоти ҳам қолдирилди. Тақдимот душанба куни бўлиб ўтиши керак эди, аммо ҳозир номаълум муддатга қолдирилди.
