Лондоннинг “Арсенал” клуби “Лион” ярим ҳимоячиси Лукас Пакетанинг трансфери борасида оптимистик фикрда, дея хабар беради журналист Экрем Конур.
Олдинроқ француз клуби 24 ёшли бразилияликни сотишдан 80 миллион евро ишлаб олмоқчи экани ҳақида хабар берилганди.
"Лион" билан амалдаги шартномаси 2025 йилнинг ёзига қадар мўлжалланган. Transfermarkt портали Бразилия терма жамоаси футболчисини 35 миллион еврога баҳолади.
Ярим ҳимоячи ўтган мавсумда 43та ўйинда майдонга тушиб, 11та гол урган ва 7та голга ассистентлик қилган.