"Лацио" президенти Клаудио Лотито ярим ҳимоячи Сергей Милинкович-Савичнинг келажаги ҳақида гапирди. Римликлар раҳбарияти 27 ёшли сербни сотиш вариантларини кўриб чиқмаётганини таъкидлади.
"Милинкович-Савич - бизнинг Дибаламиз. Уни саккизинчи мавсумда сақлаб қолиш А Сериядаги энг катта шартнома ҳисобланади”, — деди Лотито Il Messaggero билан суҳбатда.
Аввалроқ, аргентиналик ҳужумчи Пауло Дибала "Рома" билан 3 йиллик шартнома имзолаши ҳақида хабар берилганди.
Милинкович-Савич ўтган мавсумда "Лацио" таркибида 47 та ўйинда майдонга тушиб, 11 та гол урди ва 12 та голли узатмани амалга оширди.
27 ёшли сербнинг “бургутлар” билан шартномаси 2024 йилнинг ёзида якунига етади.