"Торино" "Ювентус"дан бразилиялик ҳимоячи Глейсон Бремер бўйича таклифни қабул қилди, дея хабар беради журналист Фабрицио Романо.
Манбага кўра, 25 ёшли футболчи Турин клубига 40 миллион еврога тушади. Шунингдек, 7 миллион бонус сифатида тўланиши мумкин. Айни дамда “Ювентус” раҳбарияти футболчининг агенти билан шахсий келишув шартларини муҳокама қилмоқда. Қайд этилишича, Бремер янги жамоаси билан 5 йиллик шартнома имзолайди, у мавсумда 5 миллион евро ишлаб олади.
Олдинроқ футболчига Миланнинг "Интер" клуби ҳам қизиқиш билдираётгани ҳақида хабарлар тарқалган эди.
