Ярим ҳимоячи Пицци ушбу трансфер ойнасида "Бенфика"ни тарк этади. A Bola хабарига кўра, 32 ёшли португалиялик футболчи фаолиятини БАА чемпионатида давом эттиради.
Манбанинг хабарига кўра, футболчи Дубай клуби билан музокара олиб бормоқда. Пиццининг Лиссабон жамоаси билан амалдаги шартномаси 2023 йилгача мўлжалланган эди. Transfermarkt портали футболчининг нархини 4 миллион еврога баҳоламоқда.
Ўтган мавсумда Пицци Туркияда "Истанбул ББ" учун ижара асосида ўйнаганди. У турк клуби сафида 10та ўйинда майдонга тушиб, 1та гол урди ва 1та голли узатмани амалга оширди.
