Сезар Аспиликуэта "Челси"дан "Барселона"га ўтади. Sport.es хабарига кўра, клублар футболчининг трансфери бўйича принципиал келишувга эришган.
Манбага кўра, каталонияликлар 32 ёшли испан учун тахминан 5 миллион евро тўлайди.
Аспиликуэтанинг амалдаги шартномаси 2023 йилнинг ёзига қадар мўлжалланган. Transfermarkt футболчининг нархини 9 миллион еврога баҳоламоқда.
Ўтган мавсумда Аспиликуэта барча мусобақаларда 47 та ўйинда майдонга тушиб, 3 та гол урди ва 3 та голга ассистентлик қилди. Унинг ҳисобида 5 та сариқ карточка ҳам бор.