"Арсенал" бош мураббийи Микель Артета Орландода бўлиб ўтган жамоа йиғинида ёзги мавсумда амалга оширилаётган трансферлар ҳақида гапирди.
“Биз жамоани яхшилашда давом этамиз. Бироқ, бу жараёнда иштирок этаётган томонлар шунчалик кўпки, баъзида ишлар биз хоҳлаганчалик тез содир бўлмайди", - дея Артета сўзларини келтиради Лондон клуби расмий сайти.
Эслатиб ўтамиз, яқин орада "Арсенал" "Манчестер Сити"дан украиналик Александр Зинченко трансферини эълон қилиши мумкин. Клубларнинг трансфер борасидаги ҳамкорликдаги ишлари якуний босқичда. Оммавий ахборот воситалари манчестерликлар олиши мумкин бўлган турли миқдорларни - 30 миллион евродан 41 миллион еврогача кўрсатишди.
