"Барселона" ҳалигача ярим ҳимоячи Френки де Йонгнинг жамоада қолишига ишончи комил эмас, деб ёзади испан журналисти Елена Кондис.
Манба берган хабарга кўра, жамоа раҳбарияти яқин орада нидерландиялик футболчи клубини ўзгартиришга қарор қилиши ва трансферга тайёр бўлишига ишонмоқда.
Олдинроқ "Бавария" де Йонг кетишга тайёр бўлган ягона клуб экани хабар қилинганди.
25 ёшли ярим ҳимоячи ўтган мавсумда каталонияликлар сафида барча турнирларда 45 ўйинда 4 та гол урди ва 5 та голли узатмани амалга оширди. Унинг клуб билан шартномаси 2026 йилнинг 30 июнига қадар мўлжалланган.
