Нидерландия терма жамоаси яримҳимоячиси Уэсли Снейдер Данияга қарши бўлиб ўтган гуруҳ босқичи 1-тур учрашуви (0:1) ни хулосалаб берди.
"Бу оғриқли мағлубият бўлди. Ўйиндан хулоса қилиш мумкин бўлган ягона ижобий жиҳат – вақти-вақти билан ҳақиқатдан ҳам яхши ҳаракат қилганимиз ва кўплаб вазиятлар яратганимиз. Германияга қарши ўйинда ҳам дарвоза томон зарбаларимиз юзага келади – Нидерландия терма жамоасининг кучи ҳам мана шунда, лекин ўша зарбаларни голларга айлантириш керак бўлади.
Ўйинда шунчаки ташаббусга эга бўлиш етарли эмас. Қаранг, мана Данияга қарши ўйинда нима бўлди – биз майдондан қуруқ қўл билан чиқиб кетдик. Бизга озгина аниқлик етишмади. Агар сен ҳақиқатдан ҳам ўйиннинг боришини назорат қилсанг рақибга гол уриш учун имконият яратмайсан ва ўз имкониятларингдан фойдаланасан. Биз яхши бошладик, дастлабки йигирма дақиқа ичида икки бор гол киритиш учун вазият яратдик, агар ниятимизга етганимизда бу қадар қийналмасдик", – дея Снейдер сўзларини келтирмоқда УЕФА расмий сайти.
