19 июль куни “Бавария” билан расман шартнома имзолаган голландиялик ҳимоячи Маттейс де Лигт икки кундан кейин янги жамоасидаги илк голини урди.
Американинг "Ди Си Юнайтед" билан ўртоқлик учрашувида (3:0) футболчи иккинчи бўлимда захирадан майдонга тушди ва 47-дақиқада гол урди.
Учрашувдаги биринчи голни эса клубнинг ёзда харид қилинган яна бир футболчиси – Англия “Ливерпуль”идан кўчиб ўтган Садио Мане киритди. Эслатиб ўтамиз, 22 ёшли де Лигт "Бавария" билан 2027 йилнинг 30 июнига қадар 5 йиллик шартнома имзолаган.