"Севилья" ҳимоячиси Жюл Кунде жамоанинг бугунги машғулотларини ўтказиб юборди.
23 ёшли франциялик футболчига "Севилья"га 60 миллион евро таклиф қилган "Челси" қизиқиш билдирмоқда. Клублар музокара олиб бормоқда. Шу тариқа, испан клуби ҳимоячининг соғлиғини хавф остига қўймоқчи эмас.
Ўтган мавсумда Кунде "Севилья" сафида барча мусобақаларда 44 ўйинда 3 та гол урди ва 1 та голли узатмани амалга оширди. Ҳимоячининг амалдаги шартномаси 2024 йилгача мўлжалланган.