"Лилль" президенти Оливье Летанг португалиялик ярим ҳимоячи Ренату Саншеш "ПСЖ" ёки "Милан"га ўтишини айтди.
"Саншеш иккита яхши вариантдан бирини танламоқда, топ-клублар унинг учун курашмоқда. Бироқ Ренату ҳамон "Лилль"да, у бошқа клуб билан келишувга эришмаган. Ўйлайманки, у кетади, лекин қайси клубни билмайман", - деди Летанг L'Equipe нашрига.
Аввалроқ, "ПСЖ" ва "Милан" португалияликнинг трансфер суммаси борасида ҳалигача келиша олмагани хабар қилинганди.
24 ёшли Саншеш ўтган мавсумда "Лилль" сафида барча турнирларда 31 ўйинда майдонга тушиб, битта гол ва 5 голга ассистентлик қилган. Унинг клуб билан шартномаси 2023 йилнинг ёзига қадар мўлжалланган.
