Франция терма жамоаси ва "ПСЖ" жамоаси ҳужумчиси Килиан Мбаппе машҳур япониялик собиқ ярим ҳимоячи Хидетоши Наката билан учрашди. Суҳбат давомида франциялик футболчи осиёлик собиқ футболчига футболкасини совға қилди. Бу ҳақда парижликликларнинг ижтимоий тармоқларида хабар берилди.
Эслатиб ўтамиз, айни дамда Мбаппе ўз жамоаси билан Японияда мавсумолди турнесини ўтказмоқда. Яқинда бўлиб ўтган синов учрашувида Кристоф Галтье шогирдлари "Кавасаки Фронтале" клуби билан учрашиб, 2:1 ҳисобида ғалабани тантана қилишди.
Франция чемпионатининг янги мавсуми 6 август куни бошланади. Пойтахтликлар мавсумнинг биринчи турида "Клермон" жамоасига қарши майдонга чиқади.
