"Атлетико Мадрид" ва словениялик дарвозабон Ян Облак ўртасидаги янги меҳнат шартномаси тафсилотлари маълум бўлди.
Инсайдер Фабрицио Романонинг сўзларига кўра, дарвозабоннинг Испания топ-клуби билан шартномаси 2025 йилнинг ёзига қадар узайтирилади. Аввалроқ матбуотда футболчининг маоши йилига 12 миллион еврогача оширилиши ҳақида хабарлар тарқалган эди.
Облакнинг "матрасчилар" билан амалдаги меҳнат шартномаси муддати кейинги мавсум охиригача ҳисобланади. Ян 2014 йилдан бери Мадрид жамоасида ўйнаб келмоқда.
2021/2022 йилги мавсумда 29 ёшли словениялик футболчи Ла Лигада 38 та ўйин ўтказиб, 43 та гол ўтказиб юборган.
