Ўз юртида “Будё-Глимт” жамоасида тўп сураётган норвегиялик ҳужумчи Ола Сольбаккен Италия чемпионатига ўтишга яқин турибди.

Инсайдер Фабрицио Романо хабарига кўра, "Наполи" 23 ёшли футболчини трансфер қилиш ниятида. Неаполликлар футболчининг 2023 йилнинг январида текинга қўлга киритиш борасида музокаралар олиб бормоқда.

Сольбаккеннинг шартномаси шу йилнинг охиригача мўлжалланган ва у "Будё-Глимт" билан ҳамкорликни узайтиришни режалаштирмаяпти.

Ола ўз жамоасида 2020 йилнинг январидан буён ўйнамоқда. У барча мусобақаларда 78 та ўйинда майдонга тушиб, 17 та гол урган ва 19 та голли узатмани амалга оширган.