"Брайтон" "Манчестер Сити"нинг ярим ҳимоячи Марк Кукурелья бўйича таклифини рад этди.

"Шаҳарликлар" 23 ёшли испаниялик учун 30 миллион фунт стерлинг таклиф қилишган. "Брайтон" бу сумма эвазига футболчи билан хайрлашишдан бош тортди. “Чағалайлар” футболчи учун 50 миллион фунт стерлинг талаб қилмоқда.

Хабар қилинишича, "Манчестер Сити" янги таклиф билан чиқишга ва суммани бироз оширишга тайёр, бироқ улар "Брайтон"нинг сўровини камайтиришни истамоқда. Акс ҳолда, Англиянинг амалдаги чемпиони Кукурелья билан шартнома имзолаш ғоясидан воз кечиб, чап қанот ҳимояси учун арзонроқ номзод қидиришни бошлайди.

Кукурелья ўтган мавсумда “Брайтон” сафида барча турнирларда 38 та ўйинда майдонга тушиб, 1 та гол урди ва 2 та голли узатмани амалга оширди. Transfermarkt.com портали ярим ҳимоячининг нархини 25,2 миллион фунт деб баҳоламоқда.