Бразилиялик вингер Габриэлт Верон "Палмейрас"ни тарк этиб, Португалия чемпионатига ўтди. "Порту" футболчининг янги клубига айланди.
"Аждарлар" матбуот хизмати хабарига кўра, футболчининг трансфери уларга ўн миллион еврога тушади. Верон билан 2027 йилнинг ёзига қадар узоқ муддатли шартнома имзоланган.
Габриэлга "Манчестер Юнайтед" ва Лондоннинг "Арсенал" клублари ҳам қизиқиш билдиришди, аммо португалиялик инглиз клубларига қараганда чаққонроқ бўлиб чиқди.
"Палмейрас" таркибида вингер 95 та ўйин ўтказиб, 30 та голли ҳаракатни амалга оширган. Ўз уйида Веронни "янги Неймар" деб аташган.