"Барселона"нинг керакциз футболчиларни иш билан таъминлашдаги муаммолари давом этмоқда. Ҳужумчи Мемфис Депай, агар Каталония клуби шартномани бекор қилсагина клубни тарк этишга розилигини айтди.
Бу ёзда "Барса" бош мураббий Хавининг режаларида бўлмаган форварддан қутулишга ҳаракат қилмоқда. Аввалроқ, футболчига Премер-лиганинг бир қанча клублари қизиқиш билдираётгани ҳақида хабарлар чиққанди, бироқ Депай Премер-лигага ўтишга унчалик иштиёқ билдирмаганди.
"Барселона" футболчининг нархини 15 миллион еврога тушириши керак эди. Депайнинг шартномаси келаси ёзда тугайди ва у бир йилни захира ўриндиғида ўтказишга тайёр.
Бироқ испан манбаларининг хабар беришича, агар “Барса” раҳбарияти ҳужумчи билан шартномани бузса, Депай жамоани тарк этишга тайёр. Жарима қанча бўлиши ҳозирча ошкор этилмаган.
