"Севилья" ҳимоячиси Жюл Кунде учун курашда "Челси"га мағлуб бўлишлари мумкинлигини тушунган "Барселона" муқобил вариант изламоқда, дейди Fichajes.
Кунде Каталония клубига ўтмоқчи, аммо "Севилья" ҳозирча ҳеч қайси клуб билан келишувга эришмаган. Шу боис, "блауграналар" муваффақиятсизликка учраган тақдирда "Ман Сити"дан Эймерик Лапортни сотиб олишга ҳаракат қилади.
Лапортнинг "Барселона"га ўтиши ҳақидаги маълумотлар май ойидаёқ пайдо бўлган эди. Аммо кейин манба каталонияликлар катта миқдорни тўлашга тайёр эмаслигини даъво қилди.
Лапорт "Ман Сити"да 2018 йилдан бери тўп тепади. Ўтган мавсумда у 44 та ўйинда 4 та гол урган.
