"РБ Лейпциг" ҳимоячиси Йошко Гвардиол Жюль Кунденинг трансфери билан боғлиқ муаммолардан сўнг "Барселона"нинг трансфер мақсадларидан бирига айланди.

Каталония клуби анчадан бери Жерар Пике билан рақобатлаша оладиган марказий ҳимоячи қидириб юрганди.

Узоқ вақт давомида "Барса" Кунде учун курашди, аммо сўнгги хабарларга кўра, трансфер "Челси" фойдасига оғиб кетган.

Гвардиол ўтган ёзда "РБ Лейпциг"га ўтди ва ўзининг ўйини билан кўпларни ҳайратда қолдирди. 20 ёшли ҳимоячи дарҳол асосий таркиб футболчисига айланди. Бироқ хорватиялик ҳимоячининг шартномаси 2026 йилда тугайди ва футболчининг нархи анча юқори бўлиши мумкин.