Sky Sports хабарига кўра, "Вест Хэм" "Сассуоло"га ҳужумчи Жанлука Скамакка бўйича расмий таклиф билан чиқди.
"Болғачилар" 23 ёшли италиялик учун 40 миллион евро таклиф қилишган. Бонусларни қўшиб ҳисоблаганда сумма 7 миллионга ошиши мумкин.
Манбага кўра, итальян клуби раҳбарияти ҳали ҳам футболчининг трансферидан 50 миллион евро ишлаб олишни кутмоқда.
2021/22-йилги мавсумда Скамакка “Сассуоло” сафида барча мусобақаларда 38 та ўйинда майдонга тушиб, 16 та гол урди ва 1 та голли узатмани амалга оширди.
Ҳужумчининг италян клуби билан шартномаси 2026 йилнинг 30 июнига қадар мўлжалланган.
