Ўтган мавсумнинг энг яхши африкалик футболчиси совринини Садио Мане қўлга киритди.
Сенегал терма жамоаси ярим ҳимоячиси Марокашдаги маросимда мукофотни олди. “Бавария”га ўтган вингер энг кўп овоз билан “Ливерпул”даги собиқ жамоадоши Муҳаммад Салоҳ (Миср) ва “Челси” дарвозабони Эдуард Мендини (Сенегал) ортда қолдирди.
Мане ўтган мавсумда мерсисайдликлар билан Англия кубоги ва Англия лига кубогини қўлга киритди. Шунингдек, у "қизиллар" билан Чемпионлар лигаси финалига чиқди ва Премьер-лигада иккинчи ўринни эгаллади.
Февраль ойида Мане Сенегал терма жамоасига ўз тарихида биринчи марта Африка Миллатлар Кубогида ғолиб чиқишга ёрдам берганди.
