"ПСЖ" ярим ҳимоячиси Жоржиньо Вейналдум парижликлар раҳбариятидан уни сотишни сўради, деб хабар беради L'Equipe.
31 ёшли нидерландиялик футболчи "Рома"га ўтмоқчи. Манбага кўра, римликлар сафига ўтиш сабабларидан бири футболчининг Жозе Моуриньо бошчилигида ўйнаш истагида.
Хабар қилинишича, "Рома" ярим ҳимоячини кейинчалик сотиб олиш имконияти билан ижарага олишга тайёр.
31 ёшли ярим ҳимоячи ўтган мавсумда парижликлар сафида 38 ўйинда 3 гол урди ва 2 голга ассистентлик қилди.
Эслатиб ўтамиз, 2020/21 йилги мавсум якунида Нидерландия терма жамоаси футболчиси "Ливерпуль"ни эркин агент сифатида тарк этган ва "ПСЖ" билан шартнома имзолаган эди.
