"Ювентус" ярим ҳимоячиси Адриен Рабьо жамоа билан АҚШ бўйлаб турнега бормади. Турин клуби матбуот хизмати буни шахсий сабаблар билан изоҳлади.
Француздан ташқари ярим ҳимоячи Артур ва Аарон Рэмзи ҳам ёзда клубни тарк этиши мумкин бўлгани учун учишмади.
Федерико Кьеза ва Маттиа Де Шильо ҳам жароҳати сабаб сафарда иштирок этишмади.
Аввалроқ, Рабьога "Ньюкасл" қизиқаётгани ҳақида хабарлар тарқалган эди. 27 ёшли ярим ҳимоячининг йилига 7 миллион евро оладиган шартномаси 2023 йилда якунига етади.
2021/22 йилги мавсумда Рабьо “Ювентус” сафида барча мусобақаларда 45 та ўйинда майдонга тушди ва 2 та голли узатмани амалга оширди.
