Лиссабоннинг "Бенфика" клубида тўп тепаётган Алехандро Гримальдо яқин орада клубини ўзгартириши мумкин.

Ҳимоячига Премьер-лига клублари қизиқиш билдирмоқда. Бу ҳақда INews ёзади. Манбанинг хабар беришича, футболчига "Манчестер Сити" клуби қизиқиш билдирмоқда.

"Шаҳарликлар" футболчини "Брайтон"да ўйнаётган Марк Кукурельяга муқобил сифатида кўрмоқда. Гвардиола учун қанот ҳимоячиси позицияси Александр Зинченко жамоадан кетганидан кейин муаммоли бўлиб қолди - украиналик "Арсенал"га ўтади.

Аввалроқ Гримальдога "Арсенал" ҳам қизиқаётгани ҳақида хабарлар тарқалган эди. Бироқ Зинченкони қўлга киритгач, "канонирлар" катта эҳтимол билан "Бенфика" ҳимоячиси учун курашдан воз кечишади.