"Арсенал" ҳимоячиси Седрик Соареш эндигина клубда ўзини ишончли ҳис қила бошлаганини тан олди.
"Арсенал" менинг орзуимдаги клуб бўлган. Энди мен ўзимни анча муваффақиятли ҳис қиляпман. Мен жамоада ўз ўрнимни топгандек ҳис қиламан ва ўсишни давом эттирмоқчиман”, деди Соареш ESPNга.
Соареш 2019/20 йилги мавсумнинг ўрталарида "Саутгемптон"дан "Арсенал"га ўтган эди. Биринчи бир ярим йил давомида футболчи тез-тез майдонга тушмасди, лекин ўтган мавсумда унинг ўйин вақти сезиларли даражада ошди.
Футболчи ўтган мавсумда АПЛда 21 та ўйинда майдонга тушиб, 1 та гол урди ва 1 та голли узатмани амалга оширди.