Эрик тен Хаг Криштиану Роналду атрофидаги вазият ҳақида янги маълумот бера олмади.
- Роналду ҳақида янгилик борми?
- Йўқ. Вазият ўтган ҳафтага нисбатан ўзгармади. Аммо, ташвиш - вазиятни тасвирлаш учун тўғри сўз эмас.
Мен бу ерда бўлган футболчиларга эътибор қаратаман ва улар жуда яхши ҳаракат қилишмоқда. Улар яхши ҳолатда. Мавжуд натижани ривожлантириш учун мен бунга кўпроқ эътибор қаратишим керак.
Роналдунинг қайтишини кута олмайман. Бу содир бўлганда, биз уни дарҳол жамоага жалб қилишни бошлаймиз” - деди “Манчестер Юнайтед” бош мураббийи.
Ҳужумчи таътилдан сўнг "Манчестер Юнайтед" машғулотлариа кўринмади ва мавсумолди турнега жамоа билан бирга бормади.
"Манкунианликлар" Роналдуга оилавий муаммоларни ҳал қилиш учун вақт берилгани ҳақида хабар беришди, бироқ, аввалроқ бир неча бор хабар қилинганидек, Криштианунинг "Манчестер Юнайтед"га қайтишдан бош тортиши унинг Чемпионлар лигасида ўйнайдиган клубга ўтиш истаги билан боғлиқ.
