"Ювентус" "ПСЖ" ярим ҳимоячиси Леандро Паредесга кўз тикди.
La Gazette Dello Sport хабарига кўра, француз клуби аргентиналик футболчини 30 миллион еврога баҳоламоқда. Бундан ташқари, Парижда ярим ҳимоячи анча юқори маош олади - йилига 7 миллион евро.
"Ювентус" "ПСЖ" билан шартномага ҳужумчи Мойсе Кинни қўшиш бўйича келишувга эриша олмади, шунинг учун италияликлар Паредесни қўлга киритиш учун кимнидир сотишига тўғри келади. "Юве" учун энг мақбул вариант - ярим ҳимоячи Артур билан хайрлашиш. Улар уни Николо Дзаньоло учун "Рома" билан шартномага қўшишни хоҳлашди, аммо римликлар бу вариантни рад этишди.
Артурнинг “Юве”да йилига 5 миллион евро ишлаб олишини ҳисобга олсак, уни сотиш осон бўлмайди. Бразилиялик футболчи "Барселона"га қайтишни хоҳлайди, аммо ҳозирда унга фақат "Арсенал" қизиқмоқда. Лондон клуби аввалроқ Артурни сотиб олиш мажбурияти билан ижарага олмоқчи эди.
