Мадриднинг “Атлетико” клуби ярим ҳимоячиси Тома Лемар ёзда клубини ўзгартириши мумкин.
Британиянинг The Sun нашри хабарига кўра, франциялик футболчининг хизматларига Лондоннинг “Арсенал” клуби қизиқмоқда.
Манбанинг хабарига кўра, "канонирлар" энди Лемарни сотиб олиш имкониятларини ўрганишмоқда. Микель Артета жамоаси ҳозирча "Атлетико Мадрид"га расмий таклиф билан чиққани йўқ, аммо "матрасчилар" ўз футболчиси билан хайрлашмоқчи эмас.
Ҳозирда Лемарнинг "Атлетико Мадрид" билан шартномаси тугашига атиги бир йил қолди. Клуб ва футболчи ўртасидаги янги шартнома борасидаги музокаралар ҳали ҳеч нарсага олиб келмади.
