"Барселона" жиддий молиявий қийинчиликларни бошдан кечирмоқда, аммо айни пайтда улар Роберт Левандовски ва бошқа футболчиларни арзон нархларда сотиб олишди. Англия терма жамоасининг собиқ футболчиси Гари Невилл каталонияликлар бу ёндашувдан нимага умид қилаётгани ҳақида гапирди.

"Нега "Барселона" ҳали ҳам Суперлигани таъқиб қилмоқда деб сўраяпсизми? Мана нимага! Бир миллиарддан ортиқ қарзга эга клуб келажакдаги даромадларни ўйинчиларга сарфламоқда ва бу ўз самарасини беришига умид қилмоқда! - деди Невилл ижтимоий тармоқларда.

Эслатиб ўтамиз, Суперлига лойиҳасини ҳозирча фақат учта клуб - "Барселона", "Реал Мадрид" ва "Ювентус" қўллаб-қувватламоқда.